Nagising nalang ako ng mabigat ang pakiramdam sa katawan. Daig ko pa ang nadaganan ng isang malaking pader na hindi makabangon sa kinahihigan na kama. Damang dama ko parin ang sakin ng nakaraan.  Pilit kong tinatanong sa aking sarili kung ano nga ba ang aking nagawa o nasabi pero hindi ito masagot ng aking isipan. Patuloy parin ako sa kakaisip kung bakit nangyayare lahat sakin ito, kung bakit nawala ang pinakamamahal ko.

Pagtulong O Paglilinlang?

                    

                      Nakagawian na ng mga pulitiko sa Pilipinas ang pangangampanya kapag malapit na ang eleksyon. Ito ba ay pangangampanya para mapaglingkuran ng maayos ang bayan o paglilinlang upang makuha ang pera ng bayan?

                       Sa panahon natin ngayon, naglipana na ang maraming mga pulitiko na nagsisipalabasan ng pera kung saan malapit na ang eleksyon pero sa kanilang termino ay kaunti lang ang nagagawa nilang aksyon.Ang dami nating nakikitang mga komersyal at Tv ads na puro mga mukha ng mga pulitiko na hahabol sa darating na eleksyon sa 2016. Karamihan na makikita ay pagtulong sa mahihirap, OFW, maysakit at marami pang iba. Oo, tama ang tumulong sa kapwa, pero bakit kailangan pang idaan sa mga komersyal, TV, radio at sa internet ang pagtulong mo? Kailangan ba ay ipaalam mo sa lahat ng mga tao na ikaw ay nakatulong? Kung alam naman ng mga pilipino na ikaw talaga ay karapat dapat na iboto ay iboboto ka nila.

                        "Bago ang eleksyon, ang galing galing nila, pero kapag nanalo na, ay para silang mga bulang nawawala." .Iyan ang karaniwan nating naririnig sa mga Pilipinong  kapos at walang pera. Tama nga naman! Hindi lahat pero karamihan ng mga pulitiko sa ating pilipinas ay ganyan. Sa una, ang daming mga pagamot at pakain na nagaganap sa bawat baranggay pero bakit biglang nawawala? Siguro nga na hindi lang yan ang problema na sinu-solusyonan ng ating gobyerno pero hindi tama na sila ay paasahin sa "pagbabago" na sinasabi ng mga tumatakbo ngayon. Pagkatapos mo silang asahan at magtiwala sa mga sinasabi nila, sila pa itong nangungurakot.

                          Hindi naman lahat ng pulitiko ay ganyan, ang ilan ay talaga namang ginagawa nila ang kanilang tungkulin ng maayos. Kahit na matagal ang proseso, kahit papaano ay napagtatagumpayan naman nila na masiayos ang ibang problema ng ating bayan. Hindi sila katulad ng mga ibang pulitiko na nagpapalamig lang sa kanilang mga opisina at upuan na walang ginagawa. Sila ay pinapahalagahan ang binitawang salita sa mga Pilipino na "balang araw ay magkakaroon ng magandang kinabukasan".

                          Sa ngayon, hindi pa natin alam kung sino ang karapat dapat para sa tamang pusisyon. Marami pa tayong makikitang mga komersyal na magpapalabas ng "magagandang" nagawa ng mga humahabol sa eleksyon. Dapat nating talasan ang ating isipan. Huwag tayong magpadaig sa sinasabi ng ating mga kaibigan na kailangan iboto mo ang gusto nila. Kung sa tingin mo ay karapat dapat, iboto mo. Iisa lamang ang boto mo, huwag mong sayangin sa taong hindi karapat dapat.

5 Steps kung paano makamove on

                      Likas nga naman sa ating mga pilipino ang mapagmahal at mapagkalinga. Tama! tayo ay mga nilalang na mapagmahal. Bawat araw, maraming mga taong nasasaktan at naiiwan dahil sa tinatawag na PAGIBIG. Ito ba ay solusyon sa magandang buhay? O isang dahilan upang ikaw ay tuluyang mawalan ng pagasa sa paghahanap ng mahal mo. "Love is patient, love is kind. It does not envy, it does not boast, it is not proud." ito ay mga salita na hango sa bibliya sa 1 Corinthians 13. Gayunpaman, ang pagibig ay nagdudulot ng lungkot sa ating buhay. Masyado naman kasi tayo nagpapadala sa mga nararamdaman nating kakaiba. Minsan akala natin na sila na talaga ang para sa atin. Naranasan mo na bang makaramdam ng akala mo ikaw ay nasa ulap, na kapag nakikita mo ang kanyang maamong mukha akala mo siya ay isang tunay na anghel. Minsan pa nga ay lagi mong iniisip kung nakatingin ba siya, kung maganda/gwapo kaba, kung may dumi ba sa mukha mo at marami pang iba. Kapag nakikita mo ang iyong mahal mo, talagang nakakaramdam ka ng kakaibang pakiramdam. Pero natanong mo na ba sa sarili mo na kung bakit sa daming beses ka na niyang niloko, ang sarap parin ito sa pakiramdam? KASI NGA HANGGANG NGAYON MAHAL MO PA SIYA! At hindi mo siya kayang iwan kasi ikaw ay napalapit na sakanya. Ikaw ba naman na maging kaibigan mo ng matagal tapos mahuhulog ka sakanya. Tapos liligawan ka niya at papaasahin tapos ANO?? wala na? naniwala kang may Forever pero wala naman pala? kung sa bagay, walang permanente sa buong mundo kundi ang diyos. Pero masakit parin eh. Tapos makikita mo siya na may kasamang iba at mas masaya siyang kasama yung taong yun. MASAKIT SA BUONG KATAWAN hindi lang sa puso. PAANO NGA BA MAKAMOVE ON? ang daming nagtatanong nito.

 1. Kailangan ay tanggalin mo lahat ng connection mo sakanya- PAANO? EH MAHAL KO PA SIYA! hindi ka nabuhay para mahalin ang isang taong may pusong bato. Bakit ka nga naman magtitis sa isang taong walang puso? kung meron namang iba na tanggap ka at mas mamahalin ka ng todo bakit hindi nalang dun? kaya IDELETE mo na yang messages na pinakaiingatan mo.

2. Kausapin mo ang diyos at isipin mo na "Buti nalang agad kaming naghiwalay, kasi baka mamaya pag nagtagal kami, mas lalo lang akong masasaktan"- diba? ang galing ni God kasi pinaghiwalay niya na kayo para di kana mas lalong masaktan. Minsan kasi akala natin okay lang MAGTANGA-TANGAHAN. PERO HINDI!

3. huwag lang siya ang isipin mo- ang daming rason para maging masaya. Isa na diyan ang mga kaibigan mo, bakit hindi mo ituon ang atensyon mo sa iba at hindi lang sakanya? tandaan mo na sinaktan ka niya at dapat kang maging masaya. kasi may karapatan ka upang lumigaya. lumabas ka at manood ng sine at magpaganda ka baka sakaling balikan ka niya at marealize niya na ang TANGA NIYA DAHIL INIWAN KA NIYA hindi yung nagmumukmok ka lang sa bahay niyo. Feeling mo ikaw si agnes na nasasaktan kasi may mahal nang iba si Xander?

4. Iiyak mo lang lahat-ganyan tayong mga tao. kapag nasasaktan, nagagalit. Kapag nalulungkot, umiiyak. Kapag naman masaya, tayo ay nagdidiwang. Iiyak mo lang, walang mawawala sayo kundi ang sakit. Kapag naiyak mo na ang lahat at nailabas mo na ang sama ng loob, hindi kana gaanong masasaktan.

5. Kahit na ano pa ang nagawa niya patawarin mo siya- Minsan ang tao kapag nagagalit sa kapwa niyang tao, iniiwasan natin sila kasi nga ayaw natin sila makita at galit na galit tayo sakanila. Pero paglipas ng maraming panahon hindi natin alam ay nagiging katulad na natin sila. Maging marunong tayong magpatawad kasi hindi tayo makakamove on kapag nandiyan parin sa puso mo yung lahat ng sakit na iniwan niya. 

Maraming rason upang maging masaya. Hindi lahat ay nakukuha sa pagkakaroon ng nobyo at nobya. Karamihan ay sa pamilya, kaibigan at magagandang pangyayari sa buhay. Lagi nating isipin na magmahal tayo sa kapwa pero wag lahat ibibigay natin dahil maganda na magtira rin tayo sa ating mga sarili. Ang relasyon ay parang isang bangka. Magulo dahil maraming mga alon ang humahampas at hindi alam kung saan pupunta. Dapat tayong maging matatag na manlalayag para kahit gaano man ang lakas ng hampas ng mga problema, tayo ay matatag na patungo sa ating magandang pupuntahan.

"Kabataan ang pagasa ng bayan" Tunay nga ba?

                      Hindi na kaila sa ating panahon ngayon ang mga kabataan natin na walang ibang ginawa kundi ang magbulakbol, makipagtalik at gumawa ng hindi mabuti. Sobrang daming taon na ang nasayang at panahon para sa mga kabataan na magbago. Pero bakit ganon? sa tuwing binibigyan ng pagkakataon ano ang nangyayare? ito ay nasasayang at lalong lumalala ang ugali ng kabataan ngayon. Ano ang nangyare sa isang makinang na tila isang batobalaning nangniningning na kagandahan, ngayon ay napakarumi, lugmok at parang isang bangkay na inuuod.

                      Sabi ng ating pambansang bayani na si Dr. Jose Rizal na ang kabataan raw ay ang pagasa ng ating bayan. Nakakalungkot isipin na ang pagasa ng ating bayan ay ang alam gawin ay makipagtalik, gumamit ng mga ilegal na droga, tumambay, sumali sa mga fraternities at marami pang iba!. Taon taon ay dumadami ang mga bilang ng kaso ng AIDS at HIV at pabata ng pabata ang mga naapektuhan nito. Marami din ng kaso ng gumagamit ng droga sa ating bansa. Samantala, nasa 3 out of 10 naman ng mga kabataan ay kasama sa fraternity.  ang mga iba naman ay walang ibang ginawa kundi mag internet at magpasikat sa social media sites.Ito ba ang pagasa ng ating bayan? O ang instrumento upang malugmok sa kahirapan at tuluyan na masira ang ating bansa. Hindi ito dapat mangyari.

                      Hindi natin masisisi ang ibang mga kabataan na kulang sa edukasyon kaya naman ito ay kinakailangan pang magnakaw at kumapit sa patalim upang mabuhay. kabataan lamang ba ang dapat na sisihin? Ano ang solusyon dito? Hindi lamang kabataan ang kailangang sisihin kundi ang mga iresponsableng magulang. Trabaho ng mga magulang ang protektahan, turuan ng magandang asal, at gabayan ito sa araw araw para ito ay lumaki ng maayos. Marami sa ating mga magulang ngayon ay wala nang pakelam sa kanilang mga anak. Hinahayaan lamang nila ang kanilang mga anak na gawin kung ano ano. Kaya naman ito ay napapahamak at nawawalan ng landas sa buhay.

                      Huli paba ang lahat para magbago? hindi. sapagkat habang may buhay may pagasa. Hanggang hindi pa natin naitatama ang kamalian ng mga naunang henerasyon, hindi dapat tayo tumigil na gawin ang nararapat. Maaring ito ay magiging mahirap sa umpisa pero hindi dapat sukuan ang mga problema ng buhay. Dapat magsimula sa kabataan ang pagbabago. Maging maayos tayong kabataan ngayon para sa hinaharap ay magiging maayos tayong mga magulang. Magulang na magtuturo ng magandang asal sa kanyang mga anak. Isang Nanay at Tatay na mag gagabay sa kanyang anak para makamit ang kanyang mga pangarap. Kapag napalaki mo ng maayos ang iyong anak, siguradong mapapalaki rin niya ng maayos ang kanyang mga anak. Hanggang sa iyong ka apu-apuhan.

                     Tama! tama si Rizal na tayo ang pagasa ng bayan. Sapagkat ang kabataan ang tanging merong kakayahan para magbago ng ating hinaharap. sa ATIN magsisimula ang magandang SIMULA. ang simula ng PAGBABAGO.